من خواطر بسمة (خش وشوف)

ادلع عادى ياالغازل...ادلع مكره فى العزاب
موش اخساره فيك المال...مادما قلبى يهواك
مادما قلبى يهواك...معنديش الروح امعاك
انبيع الدنيا فى سباك...وانت ياالغالى نشريك
نشريك بروحى وبمالى...ياروحى يا شاغل بالى
ميغلاش عليك الغالى...الغالى يرخص كله ليك
الغالى يرخص يا محبوبى...يا حبى يا حد اجنونى
فى حبك ناسى حسدونى...حسدونى يا احبيب فيك
حسدونى فى حبك ليه...يا محبوبى يا غاليه
انا نبيك اتغار عليه...وانا انزيد انغار عليك
انغار عليك انزيد انغار...انولع فى الحساد النار
ونطلب ديما من الستار ...من عين الحساد تحميك
من عين الحساد يا حبى...يحمينا مولى ياربى
ادلع عادى كيف ما تبى ...مادما الوقت موتيك
مادما الوقت موتينا ...كيف ما نبو شى ايجينا
ندلع ديما خلينا....هكى ياالغالى نبيك
هكى نبيك ادوبنى...لمه تدلع تعجبن
حتى لو كنت امتعبنى...تعبنى انا راضى بيك
تعبنى فى تعبك راحه...وانت فى عينى اتزيد سماحه
روحى فى حبك مرتاحه ...مرتاحه يا احبيب فيك
مرتاحه روحى فى حبك...مرتاحه حتى فى جنبك
خلينى ديما فى قلبك...وانا فى قلبى انخليك
انخليك فى قلبى وعينى...ياباقى معايا طول سنينى
انت يا الغالى اتزهينى...وانا يا الغالى انزهيك
انزهيها وتزها يا منيا...فى جنبى واتزيد هنيا
عمرك كله اتعيش معايا...وانت ليا وانا ليك
عليه يابدور عزيز...ادلع ويلى ايصير ايصير
والسلام عليكم ورحمت الله وبركاته