ملكة الاحلام كتب:ههههههههههههههههههه
انا نبي نسال
اذا جربت الحب من قبل ؟وشنو رايك فيه؟
جربته مره وحده في حياتي ودام الحب لسنتين تقريبًا بس توا هذي قبل ما نعقل هههه
بالنسبة لـ رأي في الحب عندي كلام واااجد انقوله عليه بس حنحاول نختصر عشان ما اتملش من القراية
بس ياريت تقري الكلام مانقعدش نحكي ع الفاضي هههههههه
أول شي هو في ظاهره حتقول انه حاجه سمحه واحساس حلو وكلام زي هكي
ولكن ظاهره ليس كـ باطنه .. !
الحب هم وشقاء عظيم ابتلى الله عباده به
اول شي كل بداية لها نهاية ومن هنا يبدا الشقاء والعناء
قال رسول الله صلى الله عليه وسلم : " احبب من شئت فأنك مفارقه "
هذا وعد من رسولنا الكريم صلى الله عليه وسلم بأن الفراق شي مؤكد في هذه الحياه الزائله
هكي حيقعد الحبيب 24 ساعة يفكر ويخاف من الفراق وهنا يبدا تمزيق المشاعر نفسيًا
وما في الأرض اشقى من محبٍ , وان وجد الهوا حلو المذاق
تراه باكيًا في كل حينٍ ,, مخافت فرقةٍ أو لشتاق
الي يحب ديما باله مشغول ديما سرحان ديما تعبان , ما يحسش بطعم السعادة الا لحظات بس !
وباقي الأوقات حُرقة في القلب وخوف كبير أما خوف من الفراق أو متعارك مع حبيبه أو مخافة الخيانه
ديما حزين ومرتبك وخايف وتعبان
يعني بجد بلاء عظيم !! ,, والله سبحانه وتعالى ما يحرمش شي على عباده ولا فيه ضرر كبير
ما يذوقش حلاوة السعادة الحقيقية الا من أحب الله ورسوله وهذا هو الحب الحقيقي
[ والذين أمنوا اشدُ حبًا لله ]
وهذا رأي انا المختصر جدًا في الحب , في حاجات واجد ما كتبتهنش لأني مانبكمش اتملوا وانتوا تقروا
لكن كان تبوني انزيد انزيد عادي ههههههه
من طرف 
