يا النجف مو كافي ثوري
او خلي نوري يلحك عزت الدوري
آه يا شعب النجف
هجنوك اوطعموك
صيغة داري لو مداري بيا
بيا فلك حطوك
تدعي ضد الرشاوي والفساد
والحرامية غزوك
وانتو من حي الصناعي والمعارض
بطونكم مليانة بوك
ياحسافة قبة الكرار يمكم
ماسگتكم لا ولا عرگت كصصكم
ياخجلت الخجلة خجلكم
من زمن سيد الشهداء لليوم
غدركم
منخورين من يومكم
لو محافظكم زرفكم
چم او چم سيد خذلتم
او رسائلكم لبو عبد الله
تشهدله منابركم
او تالي ماتالي تركتوه
وحده بالميدان يتحدى جمعكم
وبقيتو تنتدبون حظكم
ياليتنا كنا معك فنفوز فوزا عظيما
عكارب يقتل لسعكم
نوري السعيد ونوري الثاني
دوه الكم
شوكت تصحى زلمكم
بحت الاصوات تطالب بالحقوق
انتخت نسوانه بيكم
بالانتفاضة او حشمنكم
مادرن بالدار بيكم
من زمن صدام وازلامه
حصدكم
مابقى بيكم بكر
اتقشمر الزرفي باصلكم
تنظفت يمه صوركم
وبده بيكم من جديد
القشمرة بالوفاء للنجف
ياخجلكم طفل يقشمر زلمكم
او نصب ثورة العشرين عدكم
والفحل مدفون يمكم
ياوجع سن سوس
او لازم شلعكم
صرتوا اهل العوجة
واتخيط حلكم
لو هذا انتاج الهجين
صيغة داري لو نداري
والنجف داري لهل النجف
مو هية الكم
لهل العمارة الغيارى
والبراك
اهل حي السعد الحويش
فضوة المشراق
اوداعة بعكلكم
يامشايخنا الأفاضل
هبو هبة رجل واحد
اوهشموا كلمن ظلمكم
اوزيحوا عن هذي الكراسي
الي يتربع عرشكم
يلنجف كفى كفى ثوري
خلي حكومت نوري
تلحك عزت الدوري .