يلي ناويين الرحيل والجلاء عن بلادي اخذوا وياكم ربعكم
وإلا ماينفع جلاكم و ظلكم باقي يفتك بالبلاد والعباد
إن المسؤلين الموجودين الآن هم خُلْصَتَكُمْ من مجلس الحكم الذي أسسه بريمر الى انتخابات عام 2010 المزروفة فرجالكم الذين زرعتوهم في أرضي نشفوا كل سواقينا وجوعوا أبنائنا وارادونا تبعا لهم بالتجويع ولكن حاشا لله لم يتبعهم الشرفاء فهم باقيين على شرفهم باقيين ابعكلهم بس السِّيَابْ الي اجو مع أمريكا
رادوا اهلنة يخلوهم للشحة ثريد ابكدرهم
الطفل الجوعان يتقيأ خبزهم
شوفوا أطفال العراق
أشكال الأمراض اجتهم
بيهم الي يتقيأ كردي
اومنهم بيه إسهال حكومي
اوبيهم مرضى بأنفلونزا البرلمان
اوبيهم البيهم مصايب
تحزب عنصرية طائفية
هذا العم سام فرضه عليهم
او هذا إيران تريده
او هذا آل سعود جابه
اوذاك بني صهيون أجداده أو خواله
او ذاك متريده سوريا
او ذاك ألماني .فرنسي
امن البرازيل نصبوه اكبر حرامي
او كل هذه الأمراض المستعصية
والحكومة اتصرح
احنه من هذا الشعب
الشعب هو انتخبنه
يا جماعة لا مو من الشعب انتم
لا ولا هو انتخبكم
الي أول مرة نصبكم
والي عرفنة ابصوركم
حرامية الوكت الضيك ضمكم
هو الي انتخبكم
وبعض المساكيين اتقشمروا بالمرجعية
سؤال
قبل متدنس أمريكا ارض العراق
منو من هذا الشعب سامع بيكم او يعرفكم
شدوا ارحالكم ويه عمكم
ثورة حكومة الله اجتكم
او عدكم فسحة امن الوكت
تنجون ابعصاباتكم
من غضب أهل العراق
الي حرمتوهم حلال الله
اوحللتوه الكم
بفتاوي العمائم الفارغة
يلي ماكو منكم اقبح ياخجلكم
او مابيكم اليخجل
ياجذبكم اه منكم
كُبْحْ او بوك بعز النهار
الشعب جوعان
وانتم انتخمتم
واصحاب الشهادات عاطلين
والوظائف والمناصب والكراسي
محجوزه الكم
رئيس الوزراء
وزير الداخلية
وزير الدفاع
وزير الأمن الوطني بالوكالة
رئيس هيئة المصالحة
رئيس مدري بچم رئاسة
اوباقي الحصص بس الزلمكم
كل واحد منكم
يشغلة عشرين منصب رسمي بالقليل
وكل منصب بخمس ملايين
والشعب ماعنده ماي
لاخبز لاكهرباء
او بيهم الى ماعنده مأوى
ابرد الشته يفترش العراء
او بيهم البيهم مريض
ماعنده يشتري دواء
حفاي اجيتم
واحدكم ماعنده كروة الطيارة
او صرتم براس المساكيين أثرياء
اجه يوم الحساب
يوم 25 شباط
ميفيدكم حرسكم
ولا خراطيم المياه
اولا حزام المنطقة الخضراء
لا ولا العم سام
الكل يتخله عنكم
نصيحة
وصوا الي يحجز الكم
بأمريكا . إيران
ارجعوا من وين اجيتم
لمزبلة التاريخ
يا زبل الاحتلال
يلي ماكو أوسخ او اعفن
من عفنكم
وضح للعالم كذبكم
أمس يوم الحب اجانه
بيوم ميلاد الرسول
منو منكم خرج
بيده وردة أو هدية
الحبيب الله لدين الله
المرته ابنه أخته
الامه لابوه لأرضه لشعبه
ماكو عدكم من يحب
كلكم حقد او كراهية
قتلة همج حرامية
مابقى عدنه صبر
راح اتشوفون همتنه ابطردكم
احنه مو توانسه ولامصريين
احنه من أبو الحسن نستمد قوتنه
والعالم كل العالم يشهد بحضارتنه
أولاد هاي الكاع الي ربتنه
اوهوستنه بالكلفات ياعلي هوستنه
اوياكاع اترابج كافوري
او يابغداد ثوري ثوري او طمي علاوي اونوري
الطوب احسن لو مكواري اومنكم لازم اخذ ثاري.
