هذه رد على قصيده للاخ شفشنكو الهلال(سلطان الحربي)
واتمنى تكون قد المقام
وان جت متأخره شوي بسبب انشغالي
/
/
/
هلا هلا ياراعي الخير والجود.....شخصك عزيز ولك بقلبي مكانه
اسف على التأخير والرد موجود.....والشي حلاته لو يجي في أوانه
مالي عذر سلطان وان جيت بشهود.....وان كان زليت اعتبرها ميانه
سلطان شعرك فيه ملح(ن)وبارود.....للي على نفسه رضى بالاهانه
اللي يحسب انه من الناس محسود.....اذا نصحته بالقطن سد اذانه
دايم من الاسواق والبيت مطرود.....في مجتمعنا ماله اليوم خانه
يشكي ويسئل ليه ذا الدرب مسدود.....رقة شعوره زايده مع حنانه
مايستحي من شيخ(ن)وجاهل وعود.....مثله مع النسوان يقضي زمانه
ان كان مايرجا به الخير والفود.....ولايحفظ اسرار الاهل والامانه
اللي يشوفه قال..!!ذا وين مولد؟.....بلبسه وطبعه وان حكى في لسانه
قلد لباس الغرب وانجوم هليود.....غبي ويحسب فيه عقل وذهانه
ياصاحبي ماودي احكي بعد زود.....عند الله احسابه ترى وامتحانه
هذي القصيده لك يابن حرب مقصود.....دامك عزيز ولك بقلبي مكانه