بعنــوان / كلمـة الحق..
كلمة الحق ان قلتها وجاعة ..... اتخلى رفيقك يتركك فى ساعة
يتركك من جــــده ..... ويبقى امعاه الفيض فايت حده
يبيك تجاهل ع الخطا ما ترده ..... وتاخذ أسلوبه فى حيلته وخداعه
يتركك ويهونـــــك ..... وان جاملك موش السواد عيونك
تحلف عليه ايبيع روحه دونك ..... او هو بايعك بالرخص للبياعه
يبيك تكذب كيفـــــه ..... ويبيك تبدع فالكلام او زيفه
وكلمة الحق يلقالها تعريفه ..... ويسلك طريق الشر باقتناعه
اتصدقه بالنيـــه ..... واتقول هضا عز صاحب ليا
وين تكشفه تلقاه لفعه حيه ..... لذغتها خفيفة قاتله لياعه
