مليت مالغلا

مليت مالغلا ياسر غلا يكفيني@@@@@@ليش الغلا دامه عذاب يجيني

مانريد غلا
حضوره..غيابه فالكنين سوا
لقيته بقا للروح امفيت شقا
بقالي وجيج عن قريتي املهيني
<<<<<<<<<<<<<<
انسكربابه
ولاعاد نحلم بيه ولا نشقابه
حموله كثيره وكاثرات اتعابه
ومو ناقصه هم وتعب يزيني
>>>>>>>>>>>
مانريد طريقه
ولا نريد نبقى فالغرام غريقه
لو كان نلقى نحرقه بحريقه
ناره اتلهلب ونا نزيد عويني
>>>>>>>>>>>
سادني مواله
وسد قلبي سطوته وظلاله
كرهت الغلا بحرمته وحلاله
وبسيرته ماعاد شي يغريني

<<<<<<<<<<<<<
اطهيقه وطارت
سحاب اسود العين فيه احتارت
خلا مالغلا هذا الطريق اختارت
قبلي رياحه صهدهن شاويني

<<<<<<<<<<<<<<<<<
مانريد الغيه
مل قلبي مالخطا والسيه
عالصوب والغلا راني كويت ايديا
سلكت حقي وبقي خالص ديني

>>>>>>>>>>>>
تم سريبه
مانريد نبقى عاشقه وحبيبه
بقت سيرته عندي اليوم مريبه
وناره هفت وابقي الياس قريني


وان شاءالله تعجبكم